ဘာကြောင့်မျက်ရည်ကျရလဲဆိုတာ

မိန်းမတွေမှာ..

သူတို့ချစ်တဲ့သူအတွက်

ဘာမဆိုလုပ်ရဲတဲ့ သတ္တိရှိတယ်..ဆိုတာ

မမေ့နဲ့… မှတ်ထား.. ။

တစ်စုံတစ်ခု ကိုလိုချင်ရင်..

တစ်စုံတစ်ခုကို ပေးဆပ်ရတယ်တဲ့..။

လူဆိုတာ ကိုယ့်အလုပ်ကိုယ် တန်ဘိုးထားတတ်ရတယ်..

ကိုယ်ရေးကိုယ်တာကိစ္စတွေကို သိပ်ရှေ့တန်းမတင်ရဘူး..လို့

ကျွန်မထင်မြင်ယူဆချက် ကို..

တချို့သော သူများက မှန်တယ်လို့

ထောက်ခံကောင်းထောက်ခံပေမဲ့..

တချို့..တချို့သော သူများကျတော့

လက်ခံချင်မှ..လက်ခံလိမ့်မယ်..ဆိုတာ..

ကျွန်မ ကြိုတင်တွက်ဆပြီးသားပါ..။

ဘ၀မှာ……

ဖြစ်ချင်တာထက်

ဖြစ်သင့်တာကို

ဦးစားပေးရမယ် ဆိုတာကို…

ငယ်သေးတဲ့အရွယ်တွေအနေနဲ့

နားလည်ချင်မှနားလည်ကျမယ်..

ဒါပေမဲ့……..ကျွန်မအတွက်တော့

နားလည်ရုံတင်မက …ဒါဟာ..အမှန်ကန်ဆုံးသဘောတရား

ဆိုတာကို သိနေပါတယ်။ ။

.............

တွေ့ဆုံမှုတိုင်းမှာ

ခွဲခွာမှု ရှိတယ်ဆိုတာ

ဘာကြောင့်လဲလို့ မေးစရာမလိုလောက်အောင်

ဘ၀ရဲ့ အတွေ့အကြုံ..လောကရဲ့ နိယာမသဘောတရား

ဆိုတာကို ..သိတတ်နားလည်နေရပြီလေ…။

ဖြစ်နိုင်ရင်

ကိုယ်ချစ်တဲ့..မြတ်နိုးတဲ့

သူနဲ့..

အတူတူ ပျော်ရွှင်ချင်ကျမှာပဲလေ။

..............

ဒါပေမဲ့…

ဘ၀ကို လူ့အသက်..အရွယ် အပိုင်းအခြားအလိုက်

ကိုယ် လက်ရှိဖြစ်တည်နေတဲ့

အသက်အရွယ်မှာ…ဘာကိုဦးစားပေး

လုပ်ရမလဲ.. လုပ်သင့်သလဲ ဆိုတာကို

သိလာတဲ့အခါ…

ဘ၀တစ်ခုလုံးကို နှစ်မြူပ်ပြီး..

အလုပ်လုပ်တဲ့သူသာလျှင်..

ကြီးကြီးကျယ်ကျယ်..အောင်မြင်တယ်ဆိုတာ..

ကျွန်မ ယုံတယ်..။

ကျွန်မရဲ့ အဖိုးတန်တဲ့ အချိန်တွေကို

ယောင်္ကျားတစ်ယောက်ကို ပုံပေးပြီး

ချစ်ဖို့ဆိုတာ…ဘယ်လိုမှ မဖြစ်နိုင်တော့ပါဘူး..။

စိတ်ကူးနဲ့လက်တွေ့ဘ၀ဟာ..

တစ်ခါတစ်ရံမှာ အကြီးအကြယ် ကွာခြားတတ်ပါတယ်..

ဘ၀ဆိုတာ..ကိုယ်လုပ်ချင်တိုင်း..ဖြစ်ချင်တိုင်း..

ဖြစ်ခွင်..လုပ်ခွင့် ရတာမှ မဟုတ်တာပဲ..

သူ့အချိန်..အခါအလျှောက်

လုပ်သင့်လုပ်ထိုက်တာ..

ဖြစ်သင့်ဖြစ်ထိုက်တာကို..

လုပ်နေကျရတာပဲဆိုတာကို

ကျွန်မ နားလည်ထားပါတယ်..

ဒါပေမဲ့

ကျွန်မ…နားမလည်နုိုင်တာ

ဘာကြောင့် ကျွန်မ မျက်ရည်ကျနေသလဲဆိုတာ။

ကျွန်မ…

အလုပ်မပျက်..ဘ၀မပျက်ပေမဲ့

နှလုံးသားကွဲကြေအက်သွားတဲ့..

ကျွန်မ အဖို့တော့..

ပျော်ရွင်မှုနဲ့ ဝေးခဲ့ရပါပြီ..။

ဘ၀ဟာ..ဘာအဓိပ္မါယ်လဲ ?

အချစ် နှင့် ဘ၀ ကို ခွဲခြားနားလည်..

ကိုယ့်ဘ၀ကိုယ်..

ကျေနပ်နေတဲ့ ကျွန်မ..

နားမလည်နိုင်တာ..

ဘာကြောင့် မျက်ရည်ကျနေရသလဲ..ဆိုတာ..။

ပေးပို့လာတဲ့ညီမလေး ဖူးအားကျေးဇူးတင်ပါတယ်။