အားနာမိပါတယ်

    ဘယ်သူတွေ ဘယ်လိုထင်ထင်
          ငါ့ရင်တွင်းကို မြင်နိုင်တာမှ မဟုတ်တာ
             မကြည့်ချင်လို့ မျက်နှာလွှဲထားသူအတွက်
                ရင်ဘတ်ကိုလည်း ထပ်ပြီး ခွဲမပြတော့ဘူး

                  ငါ့ဘာသာ ရူးရူး သေသေ
                     ဝေဒနာတွေ ဘယ်လောက်ရင့်ရင့်
                        အပြစ်ရှိလို့ ပြစ်ဒဏ်သင့်တယ်လို့ပဲ...
                          မင်းက ဒဏ်ခတ်ရဲမှတော့
                             အသံမထွက်ဘဲ မြိုသိပ်ထားလိုက်ပါ့မယ်

                                စကားလုံးတွေရဲ့ ပေါ့ပျက်မှုနဲ့
                                    ငါ့အချစ်တွေကို လာမတုပါနဲ့
                                      အခုချစ် အခုမုန်းရအောင်လည်း
                                        ဝေါဟာရတွေအများကြီး ငါမသုံးတတ်ဘူး
                                           ဦးနှောက်က နှလုံးသားအထက်မှာဆိုပေမယ့်
                                              ငါတို့တွေရပ်နေတာ မြေကြီးပေါ်မှာလေ
                                                ခံစားတတ်တာ လူတွေရဲ့သဘာဝမို့
                                                   နှလုံးသားက တစစ်စစ်ကိုက်ခံနေတာ
                                                      ချစ်သောသူဟာ အပြစ်ပေးရင် ညင်သာစွာပေးတယ်
                                                          မုန်းသူဟာ နမ်းတဲ့အခါ လှည့်စားတတ်တယ်
                                                              ချစ်သူရယ်...

                                                           ရုဒကိုများ အားကျနေရော့သလား
                                                        မင်းရဲ့စကားလုံးပါးပါးလေးတွေက
                                                     ငါ့အတွက်
                                                  အသွားအထက်ဆုံး ဓါးတွေဆိုတာ
                                                မင်း...မေ့နေသလားဟင်

                                             နာရီ မိနစ် စက္ကန့်အမျှ
                                        တိုက်စားခြင်းခံနေရတဲ့နှလုံးသား
                                    တဖြည်းဖြည်းနဲ့ လုံးပါးပါးလာခဲ့
                                 ကျောခိုင်းချင်လို့ မဟုတ်ပေမယ့်လည်း
                               မျက်ရည်ဝဲနေတာကို မင်းမြင်သွားမှာ
                            အားနာနေမိတယ်..
.
                                   ရုဒရဲ့နှုတ်ခမ်းနဲ့ ငါ့ကိုနမ်းမယ်ဆိုရင်တောင်
                                        မျက်တောင်မခတ်ဘဲ ကျေနပ်ရဲတဲ့ငါ
                                           မင်းပေးလာမယ့် လက်ဆောင်အဖြစ်
                                               ငါ့အသက်ကို စတေးဝံ့ပါရဲ့
                                                  မင်းပါးစပ်က ဒီစကားမျိုး
                                                     နောက်တစ်ခါ ပြောထွက်အုံးမှာလား
                                                         မင်းမသတ်လည်း သေရမယ့်သူပါ
                                                                 နေပူထဲမှာ ခြေစုံရပ်လို့
                                                                     မရေရာတဲ့ အရိပ်တစ်ခုအတွက်
                                                                          မနက်ဖန်တွေကို မေ့ထားလိုက်ချင်ပြီလေ။ ။

                                         တောက ကိုရင်

ပေးပိုလာတဲ့ကိုရင်အား ကျေးဇူးနော်။ တော်၂ကောင်းတဲ့ကဗျာလေးပဲ ။